Լրագրող Հակոբ Կարապետյանի ֆեյսբուքյան գրառումը․ «Ուզում եմ հասկանամ՝ ի՞նչ պետք ա անել, որ էս օրհնած երկրում հավաքականի խաղերից առաջ էսպիսի կոլապս չլինի, կարողանաս մարդավարի տոմս առնել խաղից շաբաթներ առաջ, ոչ թե ընկնել ծանոթ-մոտիկ բարեկամից տոմս խնդրել կամ սև շուկայից եռակի թանկ առնել։ Թրամփը սրա մասին բան չի ասե՞լ»։
Նշենք, որ այս պահին երկրպագուները չեն կարողանում գնել Հայաստան-Պորտուգալիա խաղի տոմսեր։

ՀՖՖ-ն հայտնել է, որ խնդիրը տեխնիկական խափանման պատճառով է։ 2500 հազար տոմս արդեն վաճառվել է և որ կայքում կատարվող աշխատանքների ավարտից հետո կրկին հնարավոր կլինի գնել տոմսեր:

Հիշեցնենք՝ հանդիպումը կկայանա սեպտեմբերի 6-ին։

***

ՀՖՖ-ն հայտարարություն է տարածել՝ անդրադառնալով սեպտեմբերի 6-ին Երևանում կայանալիք Հայաստան-Պորտուգալիա հանդիպման տոմսերի վաճառքին։
Նշենք, որ երկրպագուներն արդեն մի քանի ժամ է չեն կարողանում առցանց տարբերակով տոմսեր ձեռք բերել՝ կայքում առկա տեխնիկական խնդիրների պատճառով։
ՀՖՖ-ն հայտնում է․ «Հարգելի՛ երկրպագուներ,
Tickets.ffa.am կայքում այցելուների մեծածավալ հոսքի պատճառով առաջացել են տեխնիկական խնդիրներ, որոնք կարգավորվում են:
Այսօր ժամը 14:00-ից Հայաստան-Պորտուգալիա հանդիպման տոմսերը ձեռք բերելու համար կթողարկվի հերթային համակարգ, որն ավելի պարզ ու անխափան կդարձնի գնման գործընթացը»: