Չինաստանի Գուանդուն նահանգի Հոյչժոու քաղաքի ծննդատներից մեկում լույս աշխարհ է եկել 8 վերջույթ՝ 4 ոտք ու 4 ձեռք ունեցող տղա:
3 կգ կշռող երեխան լույս աշխարհ գալու 13-րդ օրը շտապ տարվել է ինտենսիվ թերապիայի բաժանմունք, որտեղ վիրաբույժները մի քանի ժամվա վիրահատությունից հետո հեռացրել են ավելորդ վերջույթները:
Ներկայում երեխայի վիճակը կայուն է, հայտնում է Mirror-ը:
Բժիշկների խոսքով՝ երեխայի մայրը պետք է երկվորյակ ունենար, սակայն պտուղներից մեկը սկսել է դեֆորմացվել արգանդում՝ արդյունքում դառնալով եղբոր մարմնամաս:
Երեխան ինչ-որ մի ժամանակ պետք է անցկացնի հիվանդանոցում:
