ԱԺ նախկին պատգամավոր Վիլեն Գաբրիելյանը ֆեյսբուքյան իր էջում գրել է․ «Ձեր էս ծայրահեղությունից ծայրահեղություն թեմաների մեջ գրեթե չեմ մտնում, չեմ ընդունում մտածելակերպի այդ տրամադրվածությունը, շարունակաբար մեծամտություն է տիրում, մի օր կհաղթահարենք, ոչինչ, բայց...
Ջեյ Լոյի թեմայով մի խուլիգան բան պատմեմ, կիրակի է հուշերին տրվենք։
Այսօրվա պես հիշում եմ 1999թ. դեկտեմբերի 31-ի գիշերը Միլլենիումի բացման պահին սարեցիքով հավաքվել էինք, մի դպրոց մարդ, իջել էինք «ձոր» Մալադյոժնիյի Նոստալջիում Նոր տարին դիմավորելու: Այն ժամանակ Ջեյ Լոն դեռ Ջենիֆեր Լոպես էր, հետո Ջեյ Լո դարձավ: Իր դեբյուտային ալբոմի Waiting for tonight երգը, գրեթե բոլոր չարտերում գմփցնում էր, ուղիղ 00:00-ին DJ-ն այս գործը դրեց ու նենց հավես մթնոլորտ էր, բայց ուղիղ 00:01-ին՝ երգի երկրորդ րոպեին նենց կիլդիմ սկսվեց՝ շշեր, աթոռներ ու սեղաններ էր, որ ռիթմիկ ֆռում էին, նենց հավես մթնոլորտ էր և այլևս նոր տարվա գիշերը տնից դուրս չենք դիմավորել։
Շատ էլ լավ ա, որ Ծյոծը եկել է»։

Դիտեք նաև՝

***

ԱԺ «Հայաստան» խմբակցության պատգամավոր Արթուր Խաչատրյանի ֆեյսբուքյան գրառումը. «Փաշինյանի կարծիքով` կառավարության գործը համերգ կազմակերպելն է»:

***

Ակտիվիստ Հրանտ Ավետիսյանի ֆեյսբուքյան գրառումը. «Ջենիֆեր Լոպեսի համերգը մեկնարկեց այն ամսին, երբ դադարեց արցախցիներին տրվող ամսական 40000 դրամ օգնությունը: Եվ խորհրդանշական է, որ այդ համերգի ծախսերը միասին վերցրած հենց արցախցիներին տրվող մեկ ամսվա գումարի բյուջեի չափ է: Թասիբ ունենայինք` անգամ մեկ տոմս էլ չէր վաճառվի էդ համերգից, բայց Արցախը շատերի համար ըտենց էլ մնաց սիրուն սթորիներ անելու միջոց, Արցախի մասին կենաց խմելն էլ` մի բաժակ ավելի խմելու պատճառ:
Արցախցիներ ջան, իրական Արիացներ ջան` պինդ մնացեք, դժվար օրեր են` անցնելու են գնան, ավելի բարդ պահեր են էղել, բայց մաքուր ենք մնացել»:

***

Փաստաբան Րաֆֆի Ասլանյանի ֆեյսբուքյան գրառումը․ «Հարգելի ընկերներ, իմ կարծիքով՝ իրականում Ջենիֆեր Լոպեսի համերգի համար կառավարությունը ոչինչ էլ չի հատկացրել։ Պարզաբանեմ կարծիքս՝ այս համերգը նախատեսված է եղել ամիսներ առաջ, երգչուհու՝ տարածաշրջանային շրջագայության սահմաններում, երբ նույնիսկ խոսք չկար համերգին կառավարության հատկացման մասին։ Համերգը վճարովի է, արդեն իսկ վաճառվել է մոտ 6-7 միլիոն դոլլարի տոմս։ Իսկ շահարկվող գումարը կառավարությունը դեռևս 2023 թվականին հատկացրել էր Սնուպ Դոգի համերգի համար, որը չկայացավ, իսկ գումարն այդպես էլ չվերադարձվեց (կա նախաձեռնված քրեական վարույթ)։ Ընդամենը, Ջեննիֆեր Լոպեսի համերգից մեկ օր առաջ որոշվեց բացահայտ ատկատներով փոշիացված և արդեն իսկ գոյություն չունեցող գումարը կառավարության որոշմամբ «դուրս գրել» Լոպեսի համերգի վրա, ինչն ապագայում մեկ այլ քրեական վարույթի առարկա է դառնալու, քանի որ ստացվում է՝ Ջենիֆեր Լոպեսի համերգի ընդհանուր գումարը 12 միլիոն դոլլար է դարձել՝ 6 միլիոնը տոմսերից, նույնքան՝ պետական միջոցներից, ինչն անհավանական է։
Հ.Գ. Այնպես որ, եկեք երգչուհուն հանգիստ թողնենք, վայելենք մեգաաստղի այցը մեր հայրենիք՝ իր բոլոր դրական հետևանքներով)), և ավելի շատ մտածենք մեր իրականության, մեր երկրի արատավոր բարքերի մասին, ինչում մեղավոր է ոչ թե Լոպեսը, այլ ինքներս»։