|
«Սերժ Սարգսյանի վերջին ելույթը գնահատում եմ Ռոբերտ Քոչարյանի հետ բաց պայքարի շփման նոր փուլ»,- լրագրողների հետ զրույցում ասաց ԱԺ նախագահ Ալեն Սիմոնյանը՝ հավելելով․ «Չեմ ուզում մատի ու մատանու արանքը մտնեմ: Իրենք երկվորյակ եղբայրների տրամաբանությամբ ապրել են և քաղաքական երկվորյակ եղբայրներ են»: Սիմոնյանի խոսքով Սերժ Սարգսյանի քաղաքական պատմական էջը վաղուց փակված է․ «Բոլոր հարցումներով նա երեք ամենաբացասական վարկանիշ ունեցողների եռյակում է։ Ռոբերտ Քոչարյանը, ինքը և Արթուր Վանեցյանը թող իրար հետ շփվեն, կռվեն, ինչ ուզում են անեն, հայ ժողովրդին հանգիստ թողնեն»։ *** |
|
ԱԺ նախագահ Ալեն Սիմոնյանը լրագրողների հետ զրույցում կարծիք հայտնեց, որ ՀՀ վարչապետի մասնակցությունը Մոսկվայում կայանալիք Հայրենական մեծ պատերազմի հաղթանակի 80-ամյակին նվիրված միջոցառմանը, բխում է ՀՀ շահերից։ «Պետք չէ մտածել, թե ով ինչ կասի, նման միջոցառումները լավ հնարավորություն են միջազգային գործընկերների հետ տարբեր հանդիպումների համար։ Այնտեղ է լինելու նար Ադրբեջանի նախագահ Ալիևը»,- ասաց նա։ |
***
|
«Ռոբերտ Քոչարյանը ռուսական շպիոնի կարգավիճակ ունեցող մարդ է ՀՀ-ում»,- ԱԺ-ում լրագրողների հետ զրույցում ասաց Ալեն Սիմոնյանը՝ նշելով, որ դա իր կարծիքն է, փաստեր չունի․ «Ես քաղաքական գործիչ եմ և ունեմ քաղաքական հայտարարություն անելու ազատություն: Նա ռուսական շահեր հետապնդող և միայն այդ ուղղությամբ ծառայություն մատուցող քաղաքական գործիչ է»,- ասաց Սիմոնյանը՝ հավելելով, որ նման ենթադրություն է անում, քանի որ թե՛ Քոչարյանի և թե՛ «Հայաստան» խմբակցության անդամների հայտարարությունները համընկնում են ռուսական կողմի հայտարարությունների հետ։ *** |
|
«Էս 7 տարի ա՝ մարդ են ման գալիս, տենց էլ կշարունակեն ու չեն էլ գտնի։ Գարուն-ամառ հավաքածուի քաղաքական ցուցադրության ժամանակահատվածն է»,- ԱԺ-ում լրագրողների հետ զրույցում ասաց Ալեն Սիմոնյանը՝ ի պատասխան հարցին, որ ընդդիմադիրները ՔՊ-ից մարդ են ման գալիս, որ իմպիչմենթի գործընթաց սկսեն։ «Այս շահարկումները մեկ օրվա կյանք ունեցող գործընթացներ են։ Ըստ հարցումների, այսօրվա իշխանությունն առաջինն է և ամենամեծ սատարումն ունի ՀՀ ժողովրդի կողմից: Վստահ եմ՝ եթե այսօր ընտրություններ լինեն, 50+1%-ով «Քաղաքացիական պայմանագիր»-ը հաղթելու է»,- ասաց Ալեն Սիմոնյանը: |
