Wnews.am-ը գրում է. Գեղեցկության սրահներ, սպա կենտրոններ, անհոգ առօրյա…. շատերն այսպես անհոգ են պատկերացնում պաշտոնյա կնոջ առօրյան։ Ինչպե՞ս են ապրում նախարարների կանայք, իհարկե, դժվար է նրանց առօրյան ընդհանուր նկարագրել, քանի որ յուրաքանչյուրն անհատականություն է եւ ինքն է որոշում, սակայն այն, որ նախարարների կանանցից շատերն իրենց հայտարարագրած ունեցվածքով ավելի հարուստ են, քան ամուսինները, փաստ է։ Բնականաբար, ինչպես ընդունված է, նախարարներն իրենց ունեցվածքի զգալի մասը գրանցում են կնոջ անունով եւ ստացվում է հետեւյալ պատկերը…
Ինչեւէ, ներկայացնում ենք հայ նախարարների կանանց ունեցվածքը.
ՀՀ փոխվարչապետ, միջազգային տնտեսական ինտեգրման եւ բարեփոխումների նախարար Վաչե Գաբրիելյանի կնոջ դրամական միջոցները հասնում են 3 մլն 12հազար դրամի։ Հասմիկ Ղահրամանյանի տարեկան եկամուտը կազմում է 18 մլն 640 հազար դրամ։
Աշխատանքի եւ սոցիալական հարցերի նախարար Արտեմ Ասատրյանի կին Մարինե Պետրոսյանը հայտարարագրել է մեկ միլիոն դրամ։ Նրա տարեկան եկամուտը կազմում է 1 մլն 653 հազար դրամ։
ՀՀ առողջապահության նախարար Արմեն Մուրադյանի կին Ելենա Ամիրխանյանի հայտարարագրում նշված է, որ նրա տարեկան եկամուտը կազմում է 9 մլն 119 հազար դրամ։
ՀՀ տարածքային կառավարման եւ արտակարգ իրավիճակների նախարար Արմեն Երիցյանի կնոջ՝ Մերի Երիցյանի դրամական միջոցները կազմում են 90 մլն 800 հազար դրամ։
ՀՀ արտաքին գործերի նախարար Էդվարդ Նալբանդյանի կնոջ հայտարարագրում նշված է, որ նա ունի 20 հազար 300 եվրո։ Նատալյա Նալբանդյանը տարեկան եկամուտ չունի։
Նյութը՝ սկզբնաղբյուր կայքում
