«Խաղաղության պայմանագրի տեքստն այլևս վերջնականացված է, միակ անհրաժեշտությունը ստորագրելն է»,- լրագրողների հետ ճեպազրույցի ժամանակ ասաց ՀՀ Անվտանգության խորհրդի քարտուղար Արմեն Գրիգորյանը՝ հավելելով, որ այժ դիվանագիտական խողովակով խորհրդակցություն է իրականացվում Ադրբեջանի հետ «Խաղաղության պայմանագիրը» ստորագրելու համար։

Նա կրկնեց այն, որ հայկական կողմը պատրաստակամություն է հայտնել պայմանագրի ստորագրման հետ մեկտեղ ստորագրել նաև Մինսկի խմբի լուծարման դիմումը։

***

«Սահմանազատման գործընթացը կանգնած չէ, փոխվարչապետերի մակարդակով աշխատանքային խմբերը կապի մեջ են և շարունակում են աշխատել»,- լրագրողների հետ ճեպազրույցի ժամանակ ասաց ԱԽ քարտուցար Արմեն Գրիգորյանը։ «Ըստ վերջին պայմանավորվածությունների՝ Հայաստան-Վրաստան-Ադրբեջան սահմանակետից մի քիչ ներքև շարունակվելու է սահմանազատումը և փորձելու են բանակցությունների միջոցով հասնել լուծումների»,- ասաց նա։