Ինչու պետք է թեյը բացառել երեխաների սննդակարգից. պարզաբանում է մասնագետը
Բոլորն ասում են՝ երեխաները պետք է թեյ խմեն, սակայն երեխաները ոչ թե թեյ են խմում, այլ շաքարաջուր։ Սննդաբան Վարդանուշ Պետրոսյանը Արմենիա Sputnik-ի եթերում խոսել է դրա վտանգների մասին։
«Թեյը պարունակում է տանիններ, որոնք պատող նյութեր են։ Եթե կհիշեք՝ փորլուծության ժամանակ թեյ ենք տալիս որպես բուժում, որովհետև այն պատում է լորձաթաղանթը և ունի հակաբորբոքային ազդեցություն։ Սակայն այդ պատումը խանգարում է հիմնարար սննդանյութերի ներծծմանը։ Երեխայի աճի համար այդ սննդանյութերից ամենակարևորներն են երկաթը և կալցիումը։ Ապացուցված է, որ թեյը խանգարում է ինչպես երկաթի, այնպես էլ կալցիումի ներծծմանը»։
