Oրերս հայ լրագրողներից կազմված  խումբն Աջարիայի տուրիզմի դեպարտամենտի հրավերով գտնվում էր Բաթումիում:  Լրագրողներին ուղեկցող Լելա Դեվադձեն և Յուրի Բաբայանը ներկայացրեցին քաղաքի  տեսարժան վայրերը` լրագրողների օրերը Բաթումիում ավելի տպավորիչ և հագեցած  դարձնելու համար: Վերջիններս էլ իրենց հերթին հասցրեցին համատեղել հանգիստը և աշխատանքը:

Նշենք, որ Բաթումին Սև ծովի լավագույն հանգստավայրերից է, որտեղ  զվարճանքների մեծ հնարավորություն կա: Այն համարվում է Վրաստանի ներկայիս ամենազարգացող քաղաքներից մեկը, որն ամեն տարի հյուրընկալում է հազարավոր մարդկանց: