Կարեն Դեմիրճյանի անվան մարզահամերգային համալիրը վաճառվել է մի ընկերության («ՆՏԱԱ ԻՆՎԵՍՏՄԵՆՏ ԳՐՈՒՊ») ՍՊԸ), որը մոտ 20 օր առաջ է գրանցվել (20 ՀԼՍ, 2015): Ընդ որում` գրանցվել է 1 մարդու անունով (ԱՐՄԵՆ ԳԵՎՈՐԳՅԱՆ ԶԱՎԵՆԻ), բացի դա` ընկերության հասցեն բնակարանի հասցե է: Նույն հասցեում է գրանցված Արմեն Գեւորգյանը (ԵՐԵՎԱՆ ՀՐ. ՔՈՉԱՐԻ Փ. 22 15):

Այսինքն` սա նշանակում է, որ հենց համալիրը գնելու համար է ստեղծվել այս ընկերությունը` արագ, ոտքի վրա: Բայց սա ամենը չէ` Կառավարության որոշումով Համալիրի տարածքը կառուցապատվելու է` հյուրանոցներ, փակ ջրաշխարհ, համերգային դահլիճներ, հանդիպումների սրահներ, ռեստորաններ, խանութներ և խաղատուն:

Սա էլ նշանակում է, որ շուտով համալիրի կողքին կկառուցվեն նոր այլանդակություններ: Որոշման նախագծում ասում է` «Համալիրի ճարտարապետական լուծումները լինելու են կախարդական գորգի թեմաներովՎ: Էդ ո՞րն ա, կառուցելու են թռնեն: ԽԱՂԱՏՈՒՆ: ԽԱՆՈՒԹՆԵՐ: Լո՞ւրջ եք ասում: Իսկ չե՞ք ուզում Ծիծեռնակաբերդի վերեւը երկրորդ հարկ գցել մանսարդով:

Զոհրաբ Հարոյան