ԱՄՆ-ում` Գլենդել քաղաքում, ձերբակալվել են Armenian Power ավազակախմբի երկու անդամ եղբայրները` 25-ամյա Հակոբ և 23-ամյա Բերգ Նահապետյանները: Վերջիններս մեղադրվում են զենք, թմրանյութեր եւ քիմիական նյութեր պահելու համար։ Այս մասին հայտնում է LA DailyNews-ը: Կայքի փոխանցմամբ` ոստիկանությունը եղբայրներին ձերբակալել է դեկտեմբերի 17-ին Նորթ Հոլիվուդում գտնվող իրենց հոր տանը:
Հիշեցնենք, որ Նահապետյան եղբայրներն Armenian Power ավազակախմբի հայտնի անդամներ են, որոնց ձերբակալելու համար գործի է դրվել ոստիկանության հատուկ ստորաբաժանում։ Հակոբ Նահապետյանը պայմանական ազատազրկման մեջ է եղել. նրա համար գրավ չի կիրառվել: Իսկ 23-ամյա Բերգ ին ազատել են 35 հազար դոլար գրավի դիմաց։
