«Գելլափ Ինթերնեյշնլ Ասոցիացիայի» հայաստանյան ներկայացուցչությունը  մայիսի 19-21-ը հարցումներ է անցկացրել ՀՀ քաղաքացիների շրջանում։  

Հարցումներին մասնակցել է 1102 քաղաքացի։

Քաղաքացիներին հարցրել են՝ եթե Խորհրդարանական ընտրություններն անցնեն անարդար, պատրա՞ստ են արդյոք դուրս գալ փողոցային պայքարի՝ արդարություն հաստատելու համար։

Հարցվածների 40.5 տոկոսը պատասխանել է՝ միանշանակ այո, 10.8 տոկոսը՝ ավելի շուտ այո, 8.2 տոկոսը՝ ավելի շուտ ոչ, 34.7 տոկոսը՝ միանշանակ ոչ, 5.9 տոկոսը դժվարացել է պատասխանել։

***

 «Գելլափ Ինթերնեյշնլ Ասոցիացիայի» հայաստանյան ներկայացուցչությունը  մայիսի 19-21-ը հարցումներ է անցկացրել ՀՀ քաղաքացիների շրջանում։ Հարցումներն անցկացվել են հեռախոսով։

Հետազոտության ընթացքում կիրառվել է բազմաստիճան, քվոտային ընտրանք: Ընտրանքի առաջնային միավորները` բնակավայրերը, ընտրվել են ՀՀ բոլոր վարչական-տարածքային միավորներից` համամասնորեն: Հարցազրույցներն իրականացվել են Հայաստանի 10 մարզերում /մարզկենտրոններ, այլ քաղաքներ, գյուղական համայնքներ/ և Երևանի բոլոր համայնքներում` ՀՀ բնակչության բաշխմանը համամասնորեն:

 Քաղաքացիներին հարցրել են՝  ի՞նչ եք կարծում՝  2026թ. ՀՀ խորհրդարանական ընտրությունները կանցնեն արդա՞ր, թե՞ կլինեն կեղծիքներով։

28.1 տոկոսը պատասխանել է միանշանակ արդար, 21.4 տոկոսը՝ ավելի շուտ արդար, 19.1 տոկոսը՝ ավելի շուտ կեղծիքներով, 17 տոկոսը՝ միանշանակ կեղծիքներով, 12.3 տոկոսը դժվարացել է պատասխանե

***

«Գելլափ Ինթերնեյշնլ Ասոցիացիայի» հայաստանյան ներկայացուցչության անցկացրած վերջին հարցման արդյունքներով՝ Հայաստանի քաղաքացիների մեծամասնությունը պատրաստվում է մասնակցել 2026 թվականի խորհրդարանական ընտրություններին։

Մայիսի 19-21-ը անցկացված հարցմանը մասնակցել է 1102 քաղաքացի։ Հարցվածների 59.3 տոկոսը նշել է, որ միանշանակ մասնակցելու է ընտրություններին, իսկ 14 տոկոսը պատասխանել է՝ «ավելի շուտ այո»։

Միևնույն ժամանակ, 11.4 տոկոսը հայտնել է, որ ավելի շուտ չի մասնակցի, 8.3 տոկոսը՝ միանշանակ չի մասնակցի։ Հարցվածների 7 տոկոսը դժվարացել է պատասխանել։

Այսպիսով, հարցման տվյալները վկայում են, որ ընտրություններին մասնակցելու պատրաստակամությունը քաղաքացիների շրջանում բավականին բարձր է։

***

Հանրային կարծիքի վերջին հարցման արդյունքները ցույց են տալիս, որ Հայաստանի քաղաքացիների շրջանում շարունակում է բարձր մնալ քաղաքական ուժերի նկատմամբ անվստահությունը։

«MPG/Gallup International»-ի ներկայացրած տվյալների համաձայն՝ հարցվածների 8.6 տոկոսը հրաժարվել է պատասխանել, 3.4 տոկոսն էլ՝ դժվարացել։

 28.9 տոկոսը պատասխանել է, որ ձայնը կտար «Քաղաքացիական պայմանագրին», 14.9-ը՝ «Ուժեղ Հայաստանին», 12.1-ը՝ «Հայաստան» դաշինքին, 8.7-ը՝ ԲՀԿ-ին, 5.8-ը՝ «Միասնության թևեր»-ին։