Ռուսական AdMe.ru-ը կայքն իր ընթերցողներին է ներկայացրել հինգ երկիր, որտեղ կարելի է ոչ միայն լիարժեք հանգստանալ ու աննկարագրելի տպավորություններ ստանալ, այլև՝ գումար խնայել։ Այդ երկրների շարքում ընդգրկվել է նաև Հայաստանը:
«Փոքրիկ և գողտրիկ Հայաստանն ամենահին երկրներից մեկն է, որը յուրահատուկ է իր ճարտարապետական կոթողներով և պատմամշակութային վայրերով։ Այստեղ գեղեցիկ ու յուրօրինակ ամեն ինչ «թաքնված է» ամենաանհասանելի վայրերում՝ ժայռերի կիրճերում եւ լեռնային հովիտներում։ Մայրաքաղաք Երևանը 29 տարով ավելի հին է, քան Հռոմը։
Հայաստանում կարելի է տեսնել ավելի քան 1700 տարվա պատմություն ունեցող եկեղեցիներ ու վանքեր։ Իսկ Սևանի ջրերում լողալն ու Ջերմուկի բուժիչ աղբյուրների ջուրն ըմպելը գերագույն հաճույք կպարգևի ձեզ»,-գրումէ կայքը:
Ցանկում ներառվել են նաև Վրաստանը, Հունաստանը, Լատվիան և Ֆինլանդիան:
