Վարչապետ Նիկոլ Փաշինյանը հերթական գրառումն է արել՝ թիրախավորելով հոգեւորականներին։
Նա, մասնավորապես, նշել է. «Միքայել Աջապահյանը ասում է (մեջբերում)․ «Էդ պոռոտախոսներից որեւէ մեկը թող փորձի մի ամիս առանց կնոջ ապրել» (մեջբերման ավարտ)։
Էս սրբապիղծները փաստորեն Մեծ պահքն էլ չեն պահում։
Կուսակրոնության ուխտը խախտած բոլոր հոգեւորականները պետք է հեռանան հոգեւոր ծառայությունից։ Այլ տարբերակ չկա»։
Նիկոլ Փաշինյանի ֆեյսբուքյան ևս մեկ գրառումը․ «Միքայել Աջապահյանի հայտարարությունից ակնհայտ է, որ «առանց կնոջ մեկ ամիս ապրելու անհնարինությունը» տարածված աշխարհըմբռնում, վարվելակերպ և վարվելակարգ է եպիսկոպոսաց դասի համար, ինչը չէր կարող տեղի ունենալ առանց Գարեգին Բ կաթողիկոսի իմացության և թույլտվության։
Հակառակ դեպքում Աջապահյանը և մյուսները վաղուց կարգալույծ արված կլինեին։
Մայր Աթոռի համապատասխան կառույցները պետք է քննեն Աջապահյանի հայտարարությունը և հանրությանը տան համապարփակ պարզաբանումներ»։
Մեկ այլ գրառմամբ էլ Փաշինյանը մեջբերում է արել Սաղմոսից.
«Տէ՛ր, արդարութեամբ քո առաջնորդի՛ր ինձ,
իմ թշնամիների պատճառով ուղղի՛ր իմ առջեւ ճանապարհները քո,
10 քանզի նրանց բերանում ճշմարտութիւն չկայ,
եւ նրանց սրտերն ունայնացած են:
Սաղմոս 5»։
Դիտեք նաև՝
