«Ակնհայտ է, որ եկեղեցու դեմ հարձակումը Ադրբեջանից պատվիրված է, Ադրբեջանի հետ համակարգված է: Նիկոլը ընտրել է ամենաստոր տարբերակը՝ մտնել ուրիշի անկողին»,- դատական նիստից հետո բլից հարցերի ժամանակ ասաց ՀՀԿ փոխնախագահ Արմեն Աշոտյանը՝ անդրադառնալով Նիկոլ Փաշինյանի՝ եկեղեցուն և Վեհափառին ուղղված կոչերին:

Աշոտյանն ընդգծեց, որ Եկեղեցին միակ ինստիտուտն է, որ շարունակում է ՀՀ-ի շահերը ներկայացնել միջազգային հարթակներում, իսկ Նիկոլը նաև այս հարվածն է հասցնում հայկական պայքարին:

«Ես խնդրում եմ բոլոր այն մարդկանց, որոնք Եկեղեցում գոնե մեկ անգամ սրտաբուխ աղոթք են ասել, ոտքի կանգնել՝ ի պաշտպանություն Եկեղեցու և Վեհափառին: Սա համաժողովրդական պայքար է»,- հավելեց Աշոտյանը: