Հայաստանի հավաքականի հարձակվող Էդգար Սևիկյանը ընդգրկվել է հունգարական «Ֆերենցվարոշ» ակումբի հայտացուցակում՝ Երեւանի «Նոայի» դեմ ՈւԵՖԱ-ի Չեմպիոնների լիգայի երկրորդ որակավորման փուլի երկու հանդիպումներում մասնակցելու համար։

Հունգարիայի 30-ակի չեմպիոն «Ֆերենցվարոշը» սկսում է եվրոպական արշավը հենց այս փուլից՝ շնորհիվ 2024/25 մրցաշրջանի ներքին առաջնությունում հաղթանակի։ Առաջին խաղը կկայանա հուլիսի 22-ին Երեւանում՝ ժամը 18:00-ին Բուդապեշտի, 20:00-ին՝ Երևանի ժամանակով։ Պատասխան հանդիպումը տեղի կունենա հուլիսի 30-ին՝ Բուդապեշտի «Գրուպամա Արենայում»։

«Ֆերենցվարոշի» գլխավոր մարզիչ Ռոբի Քինը և իր շտաբը ներկայացրել են ՈւԵՖԱ-ին թիմի պաշտոնական հայտը։ Հայտացուցակում ընդգրկվել է նաև 23-ամյա Էդգար Սևիկյանը։

Ակումբի սպորտային տնօրեն Տամաշ Հայնալը նշել է, որ կազմը կարող է փոփոխվել մինչ առաջին խաղից 24 ժամ առաջ։ «Ոչ ոք հաստատ չի կարող իր տեղում վստահ լինել։ Մենք հույս ենք դնում բոլորի վրա և ցանկանում ենք հաջող հանդես գալ մի քանի մրցաշարերում», — ասել է Հայնալը։

Ահա «Ֆերենցվարոշի» ամբողջական հայտացուցակը՝ «Նոայի» դեմ ՉԼ-ի երկրորդ որակավորման փուլի խաղերի համար.

Դարպասապահներ՝ Դենեշ Դիբուշ, Դավիդ Գրոֆ, Լևենտե Յորի
Պաշտպաններ՝ Իբրահիմ Սիսե, Ստեֆան Գարտենման, Նորբերտ Կայան, Ջեբրայիլ Մակրեցկիս, Բարնաբաշ Նադյ, Տուն Ռայեմակերս, Գաբոր Սալայ
Կիսապաշտպաններ՝ Նաբի Կեյտա, Յոնաթան Լևի, Կադու, Հաբիբ Մայգա, Քալում Օ’Դաուդա, Բենցե Էտվյոշ, Ալեքս Տոտ, Կրիստոֆեր Զաքարիասսեն
Հարձակվողներ՝ Դանիել Արզանի, Ալեքսանդար Չիրկովիչ, Լեննի Ժոզեֆ, Ալեքսանդար Պեշիչ, Բարնաբաշ Վարգա, Էդգար Սևիկյան

***

Ֆուտբոլային ակումբ «Նոա»-ն հրապարակել է թիմի պաշտոնական հայտացուցակը՝ Չեմպիոնների լիգայի 2025/26 մրցաշրջանի որակավորման երկրորդ փուլի խաղերի համար՝ ընդդեմ Հունգարիայի չեմպիոն «Ֆերենցվարոշի»։

Առաջին փուլի հայտացուցակի համեմատ մեկ փոփոխություն է տեղի ունեցել. վնասվածքից վերականգնված իսլանդացի պաշտպան Գվյուդմյունդյուր Տոուրարինսոնը ընդգրկվել է թիմում՝ փոխարինելով հարձակվող Վիրջիլ Պինսոնին։ Ֆրանսիացի վինգերը մասնակցել էր «Բուդուչնոստի» հետ առաջին փուլի երկու խաղերին։

«Նոա»-ի հայտացուցակը՝ ՉԼ որակավորման երկրորդ փուլի համար

Դարպասապահներ
Օգնեն Չանչարևիչ
Ալեքսեյ Պլոշադնի
Քիմ Թովմասյան*
Դավիթ Ավետիսյան*

Պաշտպաններ
Էրիկ Բոակյե
Հովհաննես Համբարձումյան
Դավիթ Սուալեխե
Գոնսալու Սիլվա
Սերգեյ Մուրադյան*
Գվյուդմյունդյուր Տոուրարինսոն

Կիսապաշտպաններ
Արտակ Դաշյան
Իմրան Ուլադ Օմար
Տակուտո Օշիմա
Գուստավո Սանգարե
Գոռ Մանվելյան
Ներմին Զոլոտիչ
Յան Էտեկի
Հովհաննես Հարությունյան
Գոռ Աբրահամյան*

Հարձակվողներ
Էլդեր Ֆերեյրա
Գոնսալու Գրեգորիու
Մատեուս Այաս
Զավեն Խուդավերդյան
Մարին Յակոլիշ
Ալեն Գրգիչ

*Աստղանիշով նշված են «Բ» ցանկի խաղացողները։

Աղբյուրն՝ այստեղ