Ինֆորմացիան և տեսանյութերն այս հղումով թարմացվում են․ Հետևեք նաև Asekose.am-ի տելեգրամյան ալիքին։
|
Ինչպես հայտնի է, ձերբակալվել և Քննչական կոմիտե են տեղափոխվել Արագածոտնի թեմի առաջնորդ Մկրտիչ եպիսկոպոս Պռոշյանն ու թեմի հինգ քահանաներ։ Պատճառը դեռ հայտնի չէ։ Այս պահին թեմի առաջնորդարանում և Աշտարակի Սուրբ Մարիանե եկեղեցում խուզարկություն է ընթանում։
Դիտեք նաև՝ Նաիրի Հոխիկյանի գրառումը․ 2018-ին երբ Նիկոլի հովանավորած «Նոր Հայաստան, նոր Հայրապետ» նախաձեռնության անդամները Գնդեվանքում հարձակվել էին Կաթողիկոսի վրա, ապա գրոհել Մայր Աթոռի Վեհարանը, եկեղեցու բազմաթիվ սպասավորներ իրենց աջակցությունը հայտնեցին Գարեգին Բ Ամենայն Հայոց կաթողիկոսին։ Այդ ժամանակ Ստեփան Ասատրյանը սարկավագ էր, ով հանդիպման ժամանակ ելույթ էր ունեցել կաթողիկոսի առաջ ու, ըստ ներկաների պատմածների, հայտարարել էր, թե պատրաստ է իր կյանքը տալ հանուն Վեհափառի։ Դրանից հետո Վեհափառի օրհնությամբ Ստեփան սարկավագը դարձավ քահանա' կրելով Տեր Արամ Ասատրյան անունը, նշանակվեց հոգևոր ծառայության Հովհանավանքում։ Այդ նույն ժամանակ նա դիմել էր կաթողիկոսին, թե տան խնդիր ունի և չի կարող վարձով ապրել, ինչից հետո Մայր Աթոռին պատկանող բնակարաններից մեկը անհատույց տրամադրվել էր այդ քահանային բնակության համար։ Այդքանից հետո Արամ քահանան ցինիկաբար գործ է տալիս ոչ միայն Վեհափառի, այլև Արագածոտնի թեմի առաջնորդի ու մյուս հոգևորականների դեմ։ Ու դրանից հետո Օհանավանքի որևէ բնակիչ պիտի ասի, թե իրենց մոտ բարոյական ու աստվածասեր քահանա է ծառայո՞ւմ: Ափսոս է Հովհանավանքը, որի սուրբ պատերը պղծվում են։ *** |
||
|
Արագածոտնի թեմի առաջնորդի և հինգ քահանաների ձերբակալություններն, ըստ լուրերի, Տեր Արամի հաղորդման հիման վրա են եղել։ «24Նյուզ»-ը կապ է հաստատել Տեր Արամի հետ` ճշտելու լուրը։ Քահանան ասել է, որ լրատվականից է տեղեկանում խուզարկությունների մասին և ոչ մի ինֆորմացիա չունի: Ճշտող հարցին պատասխանել է, որ ո՛չ իր տանը, ո՛չ եկեղեցում քննչական գործողություններ չեն եղել: «Այսինքն, չհասկացա՞, ինչպես թե Սրբազանին և 5 քահանաների են ձերբակալել, ես ձեզնից եմ լսում նման բան։ Դա էլ եմ ձեզնից լսում, որ իմ հայտարարությունների հիման վրա է եղել: Ես կապ չեմ ունեցել որևէ մեկի հետ, քահանաներն էլ ինձ հետ կապ չեն ունեցել»,- ասել է տեր Արամը։ Հարցին, հաղորդում չի՞ ներկայացրել, վերջինս նշեց. «Պետրոս Ղազարյանի մո՞տ, դա նկատի ունե՞ք»: Ճշգրտող հարցին՝ բացի դրանից, Տեր Արամը հայտնեց, որ բացի դրանից այլ հաղորդում ներկայացված չէ․ «Ինչ ներկայացվել է, եղել է Պետրոս Ղազարյանի մոտի հարցազրույցը, մնացած մասով տեղեկություններ չունեմ»,- ասել է Տեր Արամը: Ավելի ուշ լուրեր տարածվեցին, որ Տեր Արամի հայտարարությունների հիման վրա ՔԿ հաղորդում է ներկայացրել ԻՔՄ ծրագրերի համակարգող Դանիել Իոաննիսյանը: |
