***
Տեր Գաբրիել Վարդանյանը ֆեյսբուքյան իր էջում գրում է․
Կրթության կարևորությունը վերջապես հասկացած և այն նորաձև համարող միջնակարգ կրթությամբ ՀՀ ղեկավարը գուցե չիմանա, որ մեծանուն հայորդիների մեջ եղել է Ջիվանի անունով աշուղ, որը թողել է մի դարակազմիկ արտահայտություն, որն ամբողջությամբ հասցեական է իրեն՝ «խելքի՜ աշեցեք»։ Այս մարդու մասին պատկերացում կազմելու համար առաջարկում եմ մտավարժանք անել ու ձեռքն առնել այդ մարդու գիրքը և առանց վարագույրների տեսնել նրա իրական կերպարը։ Այդ գիրքը թերթելիս տեսնում ես այլասերության քարոզ, պարտվողական ոգի, թշնամանք մեծերի ու նրանց գործերի մասին։
Եվ հետևաբար զարմանալի չէ նաև, որ նա և իր համախոհ եկեղեցամերժները պիտի գնան Սբ. Հովհաննավանք և մասնակցեն քաղաքացի պարոն Ստեփան Ասատրյանի կողմից մատուցվող
Պատարագին։ Սուրբ Պատարագի խորհուրդը անարգելու, բեմականացմելու համար, սակայն, պատիժը չի ուշանալու։ Ճշմարտությունը մեկն է՝ «Երկրի հակառակ կողմ»-ը «գրքի» հեղինակը պարտության սիմվոլ է, ինչպես բնութագրում է առաջին նախագահը, և, վստահաբար, պարտվելու է նաև Աստծու տան դեմ իր մղած ջիհադում։
Եկեղեցին և Վեհափառ Հայրապետը ունեն բազմաթիվ ազնիվ հայորդիներ, որոնց համար պատիվ կլինի պատեհ պահին իրենց Սրբությունները և Հայրապետին պաշտպանելը։
Մնացած հայհոյախոս բամբասանքներին անդրադառնալու ցանկություն չկա, քանի որ այն ժամանակի զուր վատնում եմ համարում, քանզի ստին պատասխանելը կնշանակի կարևորություն ընծայել ստախոսին և նրա արտահայտած ցնորամտությանը։
Դիտեք նաև՝
***
