Կարկառուն ՀՀԿ-ական Հովհաննես Սահակյանը գնում է ավտո առնելու: Վաճառողը ցույց է տալիս մի մեքենա ու ասում.

- Սա վերցրեք, լավն է՝ «Ֆորդ ֆոկուս»:

- Բա դրա ֆոկուսն ի՞նչ ա:

- Նստեք մեքենա՝ ցույց տամ,-ասում է վաճառողը:

Նստում են, վաճառողը մեքենան քշում է քաղաքից դուրս, ճամփին մի ծառ է երեւում, ասում է ՀՍ-ին.

- Այ, ծառը տեսնո՞ւմ եք:

- Հա:

- Փակեք աչքերը:

ՀՍ-ը փակում է աչքերը, վաճառողը շրջանցում է ծառը, մի քիչ անցնելով կանգնեցնում մեքենան ու ասում.

- Նայե՛ք, մենք ծառի միջով անցանք ու ոչ մի բան:

- Հրաշալի է, վերցնում եմ,-ասում է ՀՍ-ը:

Հաջորդ օրը իր նման մի քանի կարկառուն ՀՀԿ-ականի նստեցնում է մեքենան, քշում քաղաքից դուրս ուղիղ դեպի նույն ծառը: Մոտենալուն պես հրամայում է.

- Բոլորը փակում են աչքերը հիմա ֆոկուս եմ ցույց տալու:

Կարկառունները փակում են աչքերը մեկ էլ... Դըդըըըըըխկ ... մեքենան բախվում է ծառին... Մի քանի րոպե հետո ուշքի գալով, Հովհաննես Սահակյանը բարկացած ասում է.

- Էդ ո՞ր մի ախմախը աչքերը չէր փակել...

Մեսրոպ Հարությունյանի ֆեյսբուքյան էջից