Զավեշտալի դեպք Երեւանի Ավան եւ Նոր Նորք վարչական շրջանների ընդհանուր իրավասության դատարանում ընթացող «Սասնա Ծռեր» խմբի 18 անդամների գործով նիստին:
Երբ Արայիկ Հակոբյանի եւ Մարտիրոս Հակոբյանի շահերի պաշտպան Լուսինե Սահակյանը ցանկացել է միջնորդությամբ հանդես գալ, դատավոր Արտուշ Գաբրիելյանը թույլ չի տվել ու ասել է, որ դեռ միջնորդություն ներկայացնելու փուլը չէ:
Դատապաշտպանը, սակայն, պնդել է, որ ներկայացնելու է իր միջնորդությունը: «Ամբաստանյալ Լուսինե Սահակյան, ես ասում եմ` չշարունակեք»,-այսպես է դատավոր Արտուշ Գաբրիելյանը դիմել պաշտպանին, որն առաջացրել է նիստերի դահլիճում ներկաների ծիծաղը:
Դրանից հետո Արտուշ Գաբրիելյանը ավելացրել է. «Ես հիմա գնում եմ խորհրդակցական սենյակ` Ձեր խափանման միջոցը որոշելու»,- ապա ինքն իրեն ուղղելով ավելացրել է` «Հեռանում եմ խորհրդակցական սենյակ Ձեր վարքագծի հետ կապված համապատասխան որոշում կայացնելու»:
