Blognews.am-ը գրում է.
Այսօր իրենց որդուն առաջին դասարան են ճանապարհել նաև դերասան Խորեն Լևոնյանն ու պարուհի Մերի Հովհաննիսյանը: 6-ամյան Արմենը հաճախելու է Չայկովսկու անվան երաժշտական դպրոց:
Մայրիկը պատմեց, որ Արմենը շատ լավ լսողություն ունի: «Արմենս մեծ սեր ունի երաժշտության հանդեպ: Հենց ինքն էր ցանկանում երաժշտական դպրոց գնալ, այդ իսկ պատճառով ընտրեցինք Չայկովսկին: Հրավածային գործիքների բաժին է հաճախելու, ինչի համար շատ ոգևորված է»,-պատմեց Մերին:
Պարուհուց իմացանք, որ Խորենը չի առարկել որդուն երաժշտական դպրոց տանելու որոշումը: «Նա էլ է զգում, որ երեխան շատ է տարված երաժշտությամբ: Որևէ խնդիր այս թեմայով չի եղել»,- նշեց մայրիկը:
Արմենին առաջին դասարան ճանապարհելու էին եկել ոչ միայն ծնողները, այլև հորեղբայրը՝ դերասան Արսեն Լևոնյանը:
