Victoria's Secret-ի մոլդովացի մոդել Քսենիա Դելին մեկ միլիոն ռուբլի է նվիրաբերել 68-ամյա անտուն կրասնոդարցի Միխայիլ Գարիյանի (քեռի Միշա) համար տուն գնելու նպատակով:
«Քսենիան քեռի Միշային ծրար է փոխանցել՝ 1 մլն ռուբլով: Դա ինձ իրավունքն է տալիս ասել, որ #домдлядядимиши նախագծի շրջանակում դրամահավաքն ավարտված է»,- հայտարարել է ակցիայի կազմակերպիչներից Սվետլանա Չեռնիկովան:
Տեղեկացնենք, որ մինչ այս ավելի քան մեկուկես ամիս սոց.ցանցերի հետևորդները Facebook-ում ակցիա էին սկսել՝ գումար հավաքելով Միխայիլ Գարիյանի համար, ով Բաքվից Կրասնոդար է տեղափոխվել 1989թ., ղարաբաղյան պատերազմի ժամանակ: Ակցիայի շրջանակներում կրասնոդարցիների օգնությամբ ավելի քան 800 հազար ռուբլի էր հավաքվել:
27-ամյա Քսենիան անցյալ տարի ամուսնացել է 62-ամյա եգիպտոսցի միլիոնատիրոջ հետ, ում հետ միասին նա մշտական բնակություն է հաստատել ԱՄՆ-ում:
