Viber ծրագիրը, որն ինտերնետի առկայության պայմաններում անվճար շփում ու տվյալների փոխանակում է ապահովում իր օգտատերերի համար, Արցախի Հանրապետությունը, կարելի է ասել, «ճանաչում է» որպես առանձին պետություն: Իր ցանցում գրանցվողներին Viber-ն առաջարկում է ընտրել բնակության երկիրն, իսկ երկրների ցանկում առկա է նաև Լեռնային Ղարաբաղը: Այդ ցանկում բացակայում են ինչպես աշխարհի մնացած չճանաչված պետությունները (Սոմալիլենդ, Դոնեցկի Ժողովրդական Հանրապետություն, Լուգանսկի Ժողովրդական Հանրապետություն), այնպես էլ մասամբ ճանաչված պետությունների մեծ մասը, օրինակ՝ Աբխազիան, Հարավային Օսիան, Պաղեստինը, Սահարայի Հանրապետությունը:
