Գրող, հրապարակախոս, լրագրող, Բակուր Կարապետյանը որոշել է իր գրքերից բացի հանրայնացնել նաև նկարներն ու դրանցից 70-ը, աշխատավայրից տեղափոխել է Նկարիչների միություն:
«Ես արեւելքն եմ» խորագրով ցուցահանդեսին ներկայացված են 30-40 տարվա պատմություն ունեցող գործեր:
«Հիմքը արևելքից է գալիս.հայկական, ճապոնական ու չինական ժայռապատկերներն են, մանրանկարչությունը»,-Asekose.am-ի թղթակցի հետ զրույցում խորագրին նման մեկնաբանություն տվեց հեղինակը:
Ասում է՝ նկարել սկսել է 15 տարեկանից, բայց դրանք չեն պահպանվել, մնացել են Արցախում, ադրբեջանցիներն էլ տարել են պատերազմի ժամանակ:
Հետաքրքրությունն առաջացել է նկարիչների հետ ընկերություն անելու արդյունքում.
«Որոշեցի, որ նրանք ճիշտ չեն նկարում ու իմ ձևը գտա: Սա հայտնագործություն է, նոր ուղղություն նկարչության մեջ: Ամբողջ նկարը մեկ գիծ է: Եթե մտածես, գուցե նման նկարներ չլինեն, պետք է թողնես ենթագիտակցությանը: Ավանդական բան չէ սա: Իսկ շատ նկարիչներ իրենց ակադեմիական գիտելիքներով են առաջ շարժվում: Վերնիսաժում խալտուրա ա, գործեր չեն:
Նկարիչներից խորհուրդ չի հարցնում:
«Ի՞նչ խորհուրդ հարցնեմ, թող իրենք գան ինձնից սովորեն: Գալիս նայում, զարմանում են»:
Նկարները չի վաճառում.
«Չեն գնում, բոլորն ասում են՝ նվիրեք: Վաճառել միայն արտերկրում է հնարավոր: Գերմանիայում աշխատել եմ ու վաճառել, ժողովուրդը գումար ունի»:
