Վանաձորում երեկ՝ մարտի 17-ին, 13-ամյա երեխա է կորել: 2003թ. ծնված Տիգրան Աղանյանը, մարտի 17-ին, ժամը 19-ի սահմաններում, դուրս է եկել տնից և չի վերադարձել: Վերջինիս հայտնաբերելու կամ նրա վերաբերյալ որևէ տեղեկություն իմանալու դեպքում խնդրվում է անհապաղ հայտնել ոստիկանության Վանաձոր քաղաքի Բազումի կամ մոտակա բաժին: Տիգրան Աղանյանի հագին եղել է սև գույնի կտորից բաճկոն և շագանակագույն տաբատ:
Տղային փնտրում են ոստիկանության Լոռու մարզային վարչության Բազումի բաժնի աշխատակիցները: Որոնողական աշխատանքներին են միացել նաև մարզի փրկարարները:
Մեր տեղեկություններով՝ տղան տնից հեռացել է ընտանիքի անդամների հետ վեճից հետո։
