ԱՄՆ նախագահ Դոնալդ Թրամփը չստացավ 2025 թվականի Խաղաղության Նոբելյան մրցանակը։
Մրցանակը շնորհվեց Վենեսուելայի ընդդիմության առաջնորդ Մարիա Կորինա Մաչադոյին։
«Նորվեգիայի Նոբելյան կոմիտեն որոշել է 2025 թվականի Խաղաղության ՆՈբելյան մրցանակը շնորհել Մարիա Կորինա Մաչադոյին՝ Վենեսուելայի ժողովրդի ժողովրդավարական իրավունքների առաջխաղացման գործում իր անխոնջ աշխատանքի և բռնապետությունից ժողովրդավարության արդար և խաղաղ անցման հասնելու նրա պայքարի համար», - նշված է կոմիտեի կայքում։
|
Հավելենք, որ Սպիտակ տունը մեղադրել է Նոբելյան կոմիտեին որոշումը քաղաքականացնելու մեջ։ Խաղաղաղության Նոբելյան մրցանակի դափնեկրի անունը հայտնի դառնալուց հետո Սպիտակ տունը հայտարարել է, որ կոմիտեն «քաղաքականությունը դասում է խաղաղությունից վեր»։ «ԱՄՆ նախագահ Դոնալդ Թրամփը կշարունակի խաղաղության համաձայնագրեր կնքել, պատերազմները դադարեցնել և կյանքեր փրկել»,- ասված է Սպիտակ տան հայտարարության մեջ։ Հիշեցնենք, որ Նիկոլ Փաշինյանը ՄԱԿ ԳԱ 80-րդ նստաշրջանում իր ելույթում նշել էր. «Այս խաղաղության գործում վճռական է ԱՄՆ նախագահ Դոնալդ Թրամփի դերը, որի նվիրվածությունը, հետևողականությունը և սկզբունքայնությունը հնարավոր դարձրին, թվում է, անհնարինը։։ Այս է պատճառը, որ Ադրբեջանի նախագահ Իլհամ Ալիևի հետ մենք համաձայնեցրել ենք նախագահ Թրամփին Խաղաղության Նոբելյան մրցանակի ներկայացնելու մեր համատեղ որոշումը, որովհետև մեր սեփական օրինակով տեսանք, որ նախագահ Թրամփն իսկապես նվիրված է խաղաղության գաղափարին»: Դիտեք նաև՝ |
