ՌԴ պաշտպանության նախարարությունից հայտնել են, որ թուրք-սիրիական սահմանին այսօր կործանվել է ռուսական ավիախմբի կազմում ընդգրկված Սու-24 ռազմական ինքնաթիռը։ Ըստ նրանց` ինքնաթիռը չի խախտել Թուրքիայի օդային տարածքը, սակայն թուրքական կողմը պնդում է, որ այդ ինքնաթիռը թուրքական օդային տարածքը 5 րոպեում խախտել է 10 անգամ:

Համացանցում տարածվել է ինքնաթիռի կործանման պահի տեսագրությունը: Ըստ նախնական տեղեկության` օդաչուները, հավանաբար, հասցրել են ինքնանետվել: