Թուրքիայի նախագահ Ռեջեփ Թայիփ Էրդողանն այսօր Բաքվում կայացած մամուլի ասուլիսի ժամանակ հայտարարել է, որ քննարկվում է Հարավային Կովկասում համագործակցության վեցակողմ հարթակի ստեղծման հնարավորությունը, հայտնում է Ռիա Նովոստին:
Ըստ Էրդողանի` այդ հարթակում ներառված կլինեն Հայաստանը, Ադրբեջանը, Վրաստանը, Ռուսաստանը, Թուրքիան և Իրանը:
Թուրքիայի նախագահ Ռեջեփ Թայիփ Էրդողանը նաև հայտարարել է, որ Թուրքիան պատրաստ է «բացել դռները Հայաստանի համար»։ Թուրքիայի նախագահի խոսքով` Անկարան «խնդիրներ չունի հայ ժողովրդի հետ»:
«Մենք կողմնակից ենք տարածաշրջանում խաղաղությանը, պատրաստ ենք բացել դռները Հայաստանի համար: Մենք խնդիրներ չունենք հայ ժողովրդի հետ»,- ասել է Էրդողանը Բաքվում կայացած մամուլի ասուլիսի ժամանակ:
