Դերասանուհի Տաթև Հովակիմյանն իր ֆեյսբուքյան էջում նոր լուսանկարներ է հրապարակել, որոնցից պարզ է դառնում, որ դերասանուհին պատրաստվում է նոր ֆիլմում նկարահանվել: Asekose.am-ի թղթակիցը կապ հաստատեց դերասանուհու հետ` ճշտելու մանրամասները:
Ի՞նչ ֆիլմում եք նկարահանվում և ինչպե՞ս եք ստացել հրավերը:
Հրավերը ստացել եմ ֆիլմի ռեժիսոր Վահե Յանից: Այս ֆիլմում չեմ խաղում գլխավոր կերպար, այլ խաղում եմ փոքրիկ մի դեր, որը շատ սիրում եմ ու փորձում եմ այն կատարել գեղեցիկ: Ֆիլմը նկարահանվում է գեղարվեստական ժանրում, բայց ռեալիթի ձևաչափով: Շատ գեղեցիկ ֆիլմ է, որի սցենարիստը Կարինե Խոդիկյանն է:
Ձեզ համար դժվար չէ՞ր հանդես գալ էպիզոդիկ դերում, քանի որ նախորդ ֆիլմում Դուք մարմնավորում էիք գլխավոր դերակատարուհու:
Սա դերասանների համար շատ վատ մոլորություն է: Չես կարող միշտ հանդես գալ գլխավոր դերում, այն էլ փոքրիկ Հայաստանում: Եթե մենք` դերասաններս, հրաժարվենք էպիզոդիկ դերերից, ապա պետք է նաև չբողոքենք, որ կինո են բերում ոչ պրոֆեսիոնալ դերասանների: Պետք է նշեմ նաև, որ փոքրիկ դերն ավելի է «բացում» դերասանին, իսկ գլխավոր դերը` սահմաններ գծում:
Asekose.am-ի Փոփ Արտ հաղորդման ժամանակ դուք նշել եք, որ չեք նկարահանվի սերիալներում: Ի՞նչ-որ բան փոխվել է Ձեր տեսակետում, եթե ոչ, ապա այս դեպքում, երբ դերասանուհիները հրաժարվում են խաղալ սերիալում, ինչո՞ւ են բողոքում սերիալի որակից:
Սա այն թեման է, որի շուրջ չեմ ցանկանում ծավալվել: Պարզապես մի բան կարող եմ ասել, որ պետք է փոխվի սերիալների ձևաչափն ու դառնա ավելի կարճաժամկետ:
Շատ քննարկումների առիթ է հանդիսանում նաև Ձեր անձնական կյանքը, քանի որ Ձեր ֆեյսբուքյան էջում ժամանակ առ ժամանակ հանդես եք գալիս տարբեր գրառումներով, որոնք խոսակցությունների ալիք են բարձրացնում:
Անկեղծ կլինեմ ու կասեմ, որ իմ կողքին չկա որևէ մեկը, և իմ սիրտն ազատ է: Իսկ ինչ վերաբերում է գրառումներիս, ապա ասեմ, որ ստեղծագործ մարդիկ միշտ էլ նմանատիպ գրառումներ են կատարում:
Հեղինակ` Անահիտ Հարությունյան
Կարդացեք նաև`Չակերտների մեջ եմ վերցնում այն դերասանուհիներին, ովքեր բաց տեսարաններում չեն խաղում. Տաթև Հովակիմյան
