Սյունիքի մարզում, սեպտեմբերի 10-ին, խոշոր ավտովթար է տեղի ունեցել. ժամը 13:30-ի սահմաններում 30-ամյա Համբարձում Ս.-ն իր վարած ԳԱԶ-69 մակնիշի 54 ԼՍ 030 համարանիշի ավտոմեքենայով, Շենաթաղ գյուղի վարչական տարածքում գտնվող «Տատնի» կոչվող հանդամասում դուրս է եկել ճանապարհի երթեւեկելի գոտուց եւ հայտնվել ձորում:
Shamsyan.com-ի փոխանցմամբ, վթարի հետեւանքով վարորդը եւ ուղեւորներ 23-ամյա Ռուբեն Կ.-ն, 27-ամյա Բաբկեն Բ.-ն, 57-ամյա Գագիկ Ս.-ն եւ 30-ամյա Արեգ Ա.-ն մարմնական վնասվածքներով տեղափոխվել են Սիսիան քաղաքում գտնվող Աղիտուի հոսպիտալ:
Քաղաքացիները բարձրացել են Արագած լեռը եւ մոլորվել. Նրանցից երկուսը Վրաստանի քաղաքացի են
Պարզվել է, որ Մ. Թ.-ն եւ Վրաստանի Հանրապետության 2 քաղաքացի Արագած լեռան Քարե լճի մոտակայքից հեռվացել են արշավախմբից...
Հայաստանի ԱԻՆ-ում, սեպտեմբերի 10-ին, ժամը 21:48-ին ահազանգ է ստացվել, որ երեք քաղաքացի (երկուսը Վրաստանի Հանրապետության քաղաքացի) բարձրացել են Արագած լեռը եւ չեն կարողանում գտնել վերադարձի ճանապարհը. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ Մ. Թ.-ն եւ Վրաստանի Հանրապետության 2 քաղաքացի Արագած լեռան Քարե լճի մոտակայքից հեռվացել են արշավախմբից, մոլորվել են եւ չեն իջել լեռան վրայից:
Սեպտեմբերի 11-ին, ժամը 08:55-ին փրկարարները հայտնաբերել են մոլորված քաղաքացիներին:
