«Իսլամական պետություն» ահաբեկչական խմբավորման գրոհայինների վերահսկողության ներքո գտնվող Սիրիական Ռաքքա քաղաքում ապրած հայ ընտանիքը պատմել է տանջանքների մասին:
«Մենք հարկ էին վճարում իսլամիստներին, որը հայտնի է որպես jezyah: Դա անհրաժեշտ էր, մեզ փրկելու և պատժից խուսափելու համար: Եթե մենք նրանց պահանջները չկատարեինք, ապա պատժվելու էինք նրանց կանոնների համաձայն»,-«Ռուսարմինֆո»-ին պատմել են ընտանիքի անդամները:
Ընտանիքի անդամների փոխանցմամբ՝ իրենք ստիպված են եղել հագնվել այնպես, ինչպես պահանջել են գրոհայինները.ծածկել են մարմնի գրեթե բոլոր մասերը:
Մոտ մեկ ամիս առաջ ընտանիքը կարողացել է փախչել Ռաքքայից, հասնել ու հաստատվել քաղաքից ոչ շատ հեռու մի բնակավայրում, որը գտնվում է սիրիական իշխանությունների վերահսկողության ներքո:
