Այսօր՝ հունիսի 1-ին, ամբողջ աշխարհում նշվում է Երեխաների պաշպանության միջազգային օրը:
Asekose.am-ը կապ է հաստատել երգչուհի Սոնա Շահգելդյանի հետ` խոսելու փոքրիկի՝ ընտանիքի անդամների հետ ունեցած նմանության, խնամքի և ընտանիքի հնարավոր համալրման մասին:
Առաջին անգամ է, երբ Երեխաների պաշտպանության օրն արդեն դուք Ձեր փոքրիկի հետ եք նշում: Ինչպիսի՞ն են Ձեր զգացողությունները: Պատրաստվո՞ւմ եք որևէ կերպ նշել:
Այս տարի զգացողություններս բոլորովին այլ են: Առաջին անգամ է, երբ փոքրիկիս հետ կնշենք նրա տոնը: Ես և ամուսինս ամեն ամիս մեծ ուրախությամբ նշում ենք նրա ծննդյան օրը: Եվ այսօր ևս բացառություն չէ, կրկին քաղցր տորթով կշնորհավորենք նրան:
Որքանո՞վ է Ձեզ մոտ հաջողվում աշխատանքի հետ ժամանակ հատկացնել փոքրիկին, և ովքե՞ր են զբաղվում երեխայի խնամքով, երբ դուք լինում եք նկարահանման հարթակում կամ բեմում:
Փորձում եմ հնարավորինս շատ լինել փոքրիկիս կողքին: Փորձում եմ նրա համար ամեն ինչ անել ու ժամանակս հատկացնել իրեն: Երբեք չեմ հոգնում նրա կողքին: Իսկ երբաշխատանքի բերումով չեմ կարողանում նրա կողքին լինել, մայրիկս ինձ միշտ օգնում է:
Երբ երեխաները ծնվում են, թեև դժվար է ասել, այնուամենայնիվ, լինում են մարդիկ,ովքեր կարողանում են նկատել,թե ում է նման նորածինը: Այժմ, երբ Ձեր փոքրիկի 5 ամսական է, նկատո՞ւմ եք, թե երեխան ընտանիքի անդամներից ում է նման:
Այժմ հստակ կարող եմ ասել, որ երեխաս նման է և ինձ և ամուսնուս: Հնարավոր է, որ ժամանակի ընթացքում ևս փոխվի, բայց հիմա մեզ հետ նմանությունն ակնհայտ է:
Փոքրիկ Արթուրի մոտ արդյո՞ք կան բնավորության հստակ գծեր, որոնք արդեն նկատել եք:
Մեր Արթուրը շատ ժպտերես երեխա է: Կարող եմ ասել նաև, որ շատ խելացի ու հասկացող է: Նրա համար միշտ երգում եմ, իսկ ինքն ուշադիր լսում է ինձ: Փոքրիկս շատ է սիրում իր ժամանակը ջրում անցկացնել, շատ է սիրում երբ իրեն լողացնում եմ: Նրա հետ շատ հետաքրքիր է:
Հետաքրքիր է`արդյո՞ք մոտ ապագայում Դուք և Ձեր ամուսինը պատրաստվում եք Արթուրին քույրիկ կամ եղբայր պարգևել:
Աստծո կամոք` այո, հնարավոր է:
Եվ վերջում` ի՞նչ կցանկանաք մաղթել փոքրիկներին:
Բոլոր մանուկներին մաղթում եմ առողջություն և անհոգ մանկություն:
Ա.Հարությունյան
Կարդացեք նաև`Սոնա Շահգելդյանն առաջին անգամ խոսում է ամուսնու և իր ու սկեսուր-սկեսրայրի հարաբերությունների մասին
Սեր էր առաջին հայացքի՞ց. Սոնա Շահգելդյանի նոր բացահայտումները՝ ամուսնու և երեխայի մասին
