aysor.am-ը գրում է.Երգչուհի Սոնա Շահգելդյանը, որքան էլ գերզբաղված է, սակայն չի հրաժարվի ամառային հանգստից. շուտով մայրիկի հետ կմեկնի Դիլիջան, այնուհետև սիրելիի հետ` ծովափնյա երկիր: «Ես շատ եմ սիրում մեր Հայաստանի բնությունը, հանգիստն անցկացնելու հրաշալի վայրեր ունենք: Ինքս ակտիվ հանգստի սիրահար եմ: Մեզ հետ հանգստի կմեկնի նաև շունիկս: Երբ Դիլիջանից վերադառնամ, անպայման հանգստի կգնամ նաև սիրելիիս հետ»,-ժպիտով եզրափակել է Սոնան:
Այն հարցին, թե արդյոք դա նշանակում է, որ այս ամառ Սոնան և իր ընտրյալը կամուսնանան, Սոնան անակնկալ պատասխան է տվել. «Ես արդեն ամուսնացել եմ, շատ ուրախ ու երջանիկ եմ: Շատ բաներ չեմ ուզում խոսել իմ անձնականից, կարծում եմ՝ այն վերաբերում է միայն ինձ և ամուսնուս»:
Թեև շատերը սպասում էին, որ Սոնա Շահգելդյանի հարսանիքը պետք է լինի ավանդական և մեծ աղմուկ բարձրացնի, սակայն ամեն ինչ եղավ հակառակը. «Հարսանիք չենք արել, բայց օրինական ամուսիններ ենք: Կարծում եմ՝ հարսանիքն այնքան էլ կարևոր չէ: Կարևորը հետագա կյանքն է, մեր երջանիկ լինելը: Շատերը հարսի շոր չեն հագել, բայց հավատացեք, դա նրանց երջանկությանը չի խանգարել: Բայց գուցե հարսի շորով ֆոտոսեսիա անեմ, չգիտեմ»,- իր երջանկությամբ և նորությամբ կիսվել է երգչուհին:
Նյութը` սկզբնաղբյուր կայքում
Կարդացեք նաև` Սոնա Շահգելդյանն անկեղծանում է իր չեղած սիրավեպերի ու արդեն իր կողքին առկա սիրած տղայի մասին
