Հանրահայտ դերասան, շոումեն Նիկիտա Ջիգուրդան կրկին սկանդալի կիզակետում է հայտնվել: Բանն այն է, որ դերասանը ծեծկռտուք է սկսել Մոսկվայի կենտրոնում գտնվող հաստատություններից մեկի պահակների հետ, ինչը կարողացել են նկարահանել գարեջրատան այցելուները:
«Դերասանը պարբերաբար հենվում էր օղու շշին, որը նրա առաջ էր դրված ու որքան շատ էր հարբում՝ այդքան ավելի ազատ էր դառնում՝ խանգարելով մնացած այցելուներին»,- պատմել են ականատեսները:
Այն բանից հետո, երբ աշխատակիցները փորձել են կարգի հրավիրել դերասանին և զգուշացնել, որպեսզի վերջինս իրեն ավելի զուսպ պահի, Ջիգուրդան վերջնականապես հունից դուրս է եկել:
