Տեղեկացանք, որ  վարչապետ Կարեն Կարապետյանն այսօր լինելու է Սյունիքի մարզում և այցելելու է միայն Սիսիան, որտեղ անցկացնելու է մարզային խորհրդակցություն։ 

Լավ է, որ մարզերը գտնվում են վարչապետի ուշադրության կենտրոնում, կրկնակի լավ է, որ վարչապետը հենց տեղում է ծանոթանում մարզային խնդիրներին, ոչ թե հեռվից՝ տեղի չինկովնիկների զեկույցների հիման վրա: 

Իսկ վերջիններս, ինչպես գիտենք, սիրում են ամեն ինչ գունավոր ու  լուսավոր ներկայացնել, հանձնարարականներն էլ երբեմն ականջի հետև գցել ու իրենց հարմար ժամանակ կյանքի կոչել:

Ի դեպ, ուշագրավ  է, որ վարչապետն այսօր լինելու է Սիսիանում, որտեղ տարածված ասեկոսեների համաձայն, համայնքի ղեկավարը Երևանից ժամանած մի պատվիրակությանն ընդունելուց  և ապա ռեստորանում հյուրասիրելուց, միասին մի-մի բաժակ խմելուց հետո  «փայլել» է  խմբում եղած մի ուկրաինուհու հանդեպ իր արարքով: 

Ասում են , թե փոքրիկ միջադեպը հարթվել է ու փորձ արվել հնարավորինս թաքցնել այն մամուլից ու հասարակությունից:  

Մանրամասները չենք ներկայացնում՝ հուսով, որ Սիսիսանի քաղաքապետն իր «տղամարդկությունը կապացուցի» նաև Վարչապետի առաջ՝ անկեղծանալով միջադեպի մասին, որից, ըստ ասեկոսեների,  ուկրաինուհին շոկի մեջ  է ընկել՝ կարծելով, թե  հայկական պաշտոնական հյուրասիրության մեջ նոր տարր է ավելացել: 

Հեղինակ՝ 

Ատոմ Գրիգորյան