Երեկ Տորոնտոյի միջազգային կինոփառատոնում տեղի է ունեցել Հայոց ցեղասպանության մասին «Խոստումը» ֆիլմի պրեմիերան: Պրեմիերային ներկա են եղել մի շարք աշխարհահռչակ արվեստագետներ, այդ թվում՝ հայազգի ռեժիսեր Ատոմ Էգոյանը` կնոջ՝ դերասանուհի Արսինե Խանջյանի հետ, Սերժ Թանկյանը կնոջ՝ Անժելա Մադաթյանի հետ:
Հիշեցնենք, որ ֆիլմը ֆինանսավորել է ամերիկահայ միլիարդատեր Քըրք Քըրքորյանը: Ըստ նախնական կարծիքների` «Խոստումը» հավակնում է դառնալ «Օսկար»-ի հաղթող` որպես լավագույն գեղարվեստական ֆիլմ:
