System of a Down ռոք խմբի հանրահայտ հայազգի երաժիշտ Սերժ Թանկյանը կոչ է արել չօգտագործել Հայոց ցեղասպանությունը որպես կապիտալ՝ արտաքին քաղաքականություն վարելու համար:
Այդ մասին հայազգի աշխարհահռչակ երաժիշտը գրել է ֆեյսբուքյան իր էջում և մեկնաբանել eurasianet.org կայքում հրապարակված հոդվածն այն մասին, թե թուրք-իսրայելական հարաբերությունների վատթարացման ֆոնին կրկին Հայոց ցեղասպանության ճանաչման կոչեր են սկսել հնչել իսրայելացի քաղաքական գործիչների կողմից, ինչը քննադատության առիթ է դարձել, քանի որ ողբերգությունը վերածվում է քաղաքական ֆուտբոլի:
«Պատմությունը սուբյեկտիվ չէ: Խնդրում ենք, մի՛ օգտագործեք մեր հայ, հույն և ասորի նախնիների ցեղասպանությունը որպես քաղաքական կապիտալ կամ թնդանոթի միս՝ ձեր արտաքին քաղաքականության համար...
Ճանաչեք ցեղասպանությունը, որովհետև դա է ճշմարտությունը»,- գրել է Սերժ Թանկյանը:
