Համացանցում տեղեկություն է հայտնվել այն մասին, որ ամիսներ առաջ մահացած երգչուհի Ժաննա Ֆրիսկեի սիրելին՝ Դմիտրի Շեպելևը, պահանջում է նրա ծնողներից, որպեսզի վերջիններս հրաժարվեն Ժաննայի ժառանգության իրենց բաժնից: Ըստ լուրերի՝ այդ ամենի դիմաց, Շեպելևն ասել է, որ կհրաժարվի Ֆրիսկեի մոսկովյան բնակարանի իր բաժնից:
Մեկնաբանելով այս լուրերը՝ Ֆրիսկե ընտանիքի դատապաշտպան Ալեքսանդր Կարաբանովը ասել է.
«Անձամբ ինձ հետ Շեպելևը չի շփվել: Որքանով ես գիտեմ, նա Ժաննա Ֆրիսկեի ազգականների հետ նույնպես այս թեման չի քննարկել: Երգչուհու ժառանգության վերաբերյալ ուզում եմ միանգամից պարզաբանել՝ Շեպելևը Ժաննա Ֆրիսկեի ժառանգության հետ ոչ մի կապ չունի: Նրա միակ ժառանգորդը նրա որդին է՝ Պլատոնը: Ժաննայի ծնողները մտադիր չեն իրենց թոռնիկին զրկել ժառանգությունից: Երգչուհու ծնողների միակ ցանկությունը Պլատոնի հետ շփվելու հնարավորությունն է: Նյութական հարցը հիմա չի քննարկվում, իսկ ունեցվածքային բնույթի թեմաները մանիպուլացնողը հենց Շեպելևն է»:
Ալեքսանդր Կարաբանովը նաև ավելացրել է, որ Դմիտրին բացարձակ ցանկություն չունի որևէ կապ հաստատել Ժաննայի ծնողների հետ: Նա նաև չի ցանկանում, որպեսզի նրանք շփվեն երեխայի հետ.
«Խնամակալության հանձնաժողովը, որին դիմել էին Ժաննայի ծնողները՝ իրենց թոռնիկի հետ շփվելու ժամանակ սահմանելու խնդրանքով, նոյեմբերի վերջին է նշանակված: Ու եթե երկու կողմերը համաձայնության չգան, ապա այդ հարցը կլուծվի դատական կարգով»,- հայտնել է դատապաշտպանը:
