«Ժամանակ առ ժամանակ Ջրային կոմիտեն դիմում է Կառավարությանը, որպեսզի թույլատրեն Սևանից ջրի բացթողումներն ավելացնել: Այս տարի 170 մլն մ3-ի փոխարեն 270 մլն մ3 են ուզում: Պարզ է, որ սա ազդելու է լճի էկոհամակարգի վրա: Վերջին ուսումնասիրությունները ցույց են տվել, որ Սևանա լճում քիմիական տարրերը, օրգանական նյութերն ավելացել են և մոտ է 1970-ական թվականների իրավիճակին, որն է՝ ճահճացումը: Սևանա լճին այսօր դրանից միայն բարձրացումն ու ձկների միջոցով օրգանական նյութերի, տարրերի վերացումն է: Ցավոք, մենք բավարար չափով ձկան պաշար չունենք, որի արտահանման դեպքում օրգանական ավելցուկն էլ դուրս բերենք, մնաց ջրի բարձրացումը»,-լրագրողների հետ հանդիպման ժամանակ ասաց ՀՀ ԳԱԱ Կենդանաբանության և հիդրոէկոլոգիայի գիտական կենտրոնի տնօրեն Բարդուղ Գաբրիելյանը: