armtimes.com-ի տեսանյութում. Ապրիլի 2-ին կայացած խորհրդարանական ընտրությունների արդյունքներով թիվ 2 ընտրատարածքից ռեյտինգային ընտրակարգով ՀՀԿ-ից ԱԺ պատգամավոր ընտրված Արտակ Սարգսյանն այսօր կառավարության ընդունելության տուն էր եկել իր պատգամավորական մանդատն ստանալու: Մանդատների հանձնման պաշտոնական արարողությունը լուսաբանող լրագրողները փորձեցին ՍԱՍ գրուպի սեփականատիրոջից պարզել, թե արդյո՞ք հրապարակված սկանդալային ձայնագրության մեջ նրա եղբայրն է հրահանգներ տալիս աշխատակիցներին եւ արդյո՞ք հարուցված քրեական գործի շրջանակներում ինքը հարցաքննվել է:

Լրագրողների հետ գրեթե շփում չունեցող Սարգսյանն այս անգամ էլ լուռ էր, առանց որեւէ բառ պատասխանելու փորձեց լքել միջոցառման շենքը եւ մեջքով դեպի լրագրողները սպասեց վերելակին, իսկ վերելակ մուտք գործելուն պես ասաց. «Մի վայրկյան էլի, մի րոպե, ճանապարհ տվեք»: Այսքանով ավարտվեց նրա եւ լրագրողների ճեպազրույցը: