|
«Պատիվ ունեմ»-ի պատգամավոր Աննա Մկրտչյանը, անդրադառնալով ԱԺ նախագահի տեղակալի պաշտոնում ՔՊ-ական Ռուբեն Ռուբինյանի թեկնածությանը, հայտարարեց. «Հանրությանը հայտնի է այն հանգամանքը, որ Ռ. Ռուբինյանն իր կյանքի որոշակի ժամանակահատված անցկացրել է Թուրքիայում ու դրա վերաբերյալ տեղեկատվություն որևէ մեկիս չի տրվել: Այս նույն իշխանությունը մեզ արդեն հրամցրել էր մի իրավիճակ, երբ ԱԺ նախագահը կարող էր լինել թուրքի լրտես, ինչը ենթադրում է, որ այդ ռիսկայնությունը տեսականորեն կարող է պարունակել նաև այս ԱԺ-ն»: ԱԺ նախագահ Ալեն Սիմոնյանը խնդրեց զերծ մնալ որակումներից: Ռուբեն Ռուբինյանն արձագանքեց, որ 2017-ին Հրանտ Դինքի անվան հիմնադրամի ծրագրի շրջանակներում մի քանի ամիս Թուրքիայում հետազոտություն է իրականացրել և այդ մասին հայտարարել է հեղափոխությունից հետո: |
