Ռուսաստանի Ռոստովի շրջանի գյուղերից մեկում ազգայնականները երկու հայի են ծեծել՝ հոր և որդու, որոնք տեղափոխվել են հիվանդանոց: Դեպքը տեղի է ունեցել մայիսի 6-ին, գրում է privet-rostov.ru-ն:
Կարեն անունով տղամարդը, որի ազգանունը չի նշվում, իր բեռնատարով պատվեր է առաքել: Առաքման հասցեում ալկոհոլը չարաշահած մի խումբ տղամարդկանց դուր չի եկել Կարենի արտաքինը: Նրանք վիրավորական արտահայտություններ են բղավել առաքիչի հասցեին, նաև ազգային պատկանելության բովանդակությամբ:
Որոշ ժամանակ Կարենը զսպվածություն է ցուցաբերել, ապա պատասխանել է հայհոյանքով:15-հոգանոց խումբը հարձակվել է երիտասարդի վրա, ծեծել ու դանակահարել: Կարենը հասցրել է զանգահարել հորը: Երբ դեպքի վայր է հասել հաշմանդամություն ունեցող հայրը, նրա վրա էլ են հարձակվել, դուրս քաշել մեքենայից ու ծեծել:
ՌԴ Ռոստովի մարզի ՆԳՆ վարչությունը հայտարարել է, որ փաստի առնչությամբ ստուգումներ կիրականացվեն:
Աղբյուր՝ armtimes.com
