Reddit ու Initialized Capital կայքերի հայ հիմնադիր Ալեքսիս Օհանյանը Հայաստան է ժամանել։ Այս մասին տեղեկանում ենք նրա միկրոբլոգից:
Ալեքսիս Օհանյանն իր Instagram-ում Հայաստանում արված լուսանկար է հրապարակել:
Լուսանկարի կից Ալեքսիսը գրել է. «24 ժամ Հայաստանում։ Հետևեք իմ հաղորդագրություններին»:
Հիշեցնենք, որ Ալեքսիս Օհանյանի կինը` աշխարհի 2-րդ ռակետ համարվող թենիսիստուհի Սերենա Ուիլյամսը, վերջերս իր տված հարցազրույցներից մեկում նշել էր, որ մտադիր է այցելել Հայաստան:
«Ամուսինս հայ է: Ես շատ բան եմ սովորում հայերի մասին: Ես պատվավոր հայ եմ: Սիրում եմ այն, թե որքան հպարտ են հայերը: Պատրաստվում եմ գնալ այնտեղ չգիտեմ՝ այս, թե հաջորդ տարի, բայց ուրախ կլինի»,- ասել է նա:
