Երեկ երգիչ Մարտին Մկրտչյանը ներկայացրեց իր նոր` «Ասել եմ, ասում եմ» երգը, որից հետո համացանցում քննարկվեց այն լուրը, որ Մարտին Մկրտչյանի և Ռազմիկ Ամյանի երգելաոճն ու կատարած աշխատանքն այնուամենայնիվ սկսել են նմանվել իրար: Ըստ համացանցային օգտատերերի` Մարտինի այս երգը նման է Ռազմիկ Ամյանի «Սիրել եմ, սիրում եմ» երգին: Շատերը կարծում են, որ Մարտինը ցանկանում է նմանվել Ռազմիկին: Իսկ մյուսներն էլ այս ամենի հետևում տեսնում են այն, որ երկու երգիչների պրոդյուսերը նույն մարդն է` Արմին Մովսիսյանը, ու նրա հետ աշխատելիս երկուսի մոտ էլ ստացվում է նույն աշխատանքը: Asekose.am-ի թղթակցի հետ զրույցում Արմինն ասաց, որ եթե նույնիսկ կա նմանություն, ապա դա իր մեղքով չէ.
«Երգի նմանության համընկնումը կարող է լինել մի հարցում, որ երկու երգերի հեղինակն էլ Ռիչարդ Մադլենյանն է. ձեռագիրը նույնն է: Միգուցե սա կապ ունի նմանության հետ: Ես աշխատում եմ երկու երգիչների հետ ու երբեք չեմ ցանկանա, որ նրանք նույն կերպ ներկայանան: Նրանց նմանությունն ինձ ոչ մի դրական բան չի տա»:
Նույն հարցի վերաբերյալ մեկնաբանություն ստանալու համար Asekose.am-ի թղթակիցը կապ հաստատեց նաև տվյալ երգերի հեղինակ Ռիչարդ Մադլենյանի հետ:
Այն հարցին, թե արդյո՞ք նա համաձայն է, որ միօրինակ երգեր է գրում, և տվյալ երգերը մեկը մյուսին նման են`Ռիչարդը չցանկացավ որև պատասխան տալ` ասելով.
«Ով ինչ ուզում է, թող մտածի, ինձ համար միևնույն է»:
Հեղինակ` Անի Հարությունյան
