Քաղաքացիները շարունակում են բոյկոտել հասարակական տրանսպորտի ուղեվարձի թանկացումը: Երևանի ավագանու ընդդիմադիր խմբակցությունների անդամները, Վարդան Ղուկասյանի ԴՕԿ կուսակցությունն ու Հայաքվե նախաձեռնությունն  3-րդ օրն է՝ բոյկոտի իրազեկման ակցիա են իրականացնում:

***

Ուղեվարձի թանկացման բոյկոտը շարունակվում է։ Ավտոբուսներում քաղաքացիները կամ չեն վճարում, կամ 100 դրամ են տալիս և անցնում առաջ։ Ավտոբուսներից մեկի վարորդը թույլ չտվեց 100 դրամ վճարել․ «Էս կոպեկն ո՞վ է դրել այստեղ, եկեք վերցրեք, չի կարելի։ Չվերցնեք՝ չեմ քշելու»,- ասաց վարոդը:

***

«Հասկացանք, նոր ավտոբուսներ են բերել, նորացրել են, իսկ մետրո՞ն, մետրոյի համար ի՞նչ են արել, 5-6 վագոնի փոխարեն երեք վագոն է աշխատում»,- ասում է քաղաքացին՝ անհիմն համարելով ուղեվարձի 150 դրամ դառնալը։

***