«Դրվագներ ինքնության» ֆեյսբուքյան էջը հրապարակել է Հայոց Եղեռնի հուշահամալիրի՝ 2003 թվականի վերանորոգման լուսանկարները՝ կից գրելով․ «Հայոց Մեծ Եղեռնի հուշահամալիրի նորոգումը` 2003թ, Սեպտեմբեր։ Պատվիրատու` «Լինսի հիմնադրամ»»։
Լուսանկարները տարածել են նաև ֆեյսբուքյան մի շարք օգտատերեր՝ արտահայտելով իրենց կարծիքը։

Ազգային-Ժողովրդավարական Բևեռի խորհրդի խոսնակ Վահագն Ավագյանը գրել է․ «Պղծման և վերանորոգման տարբերությունը»։
Քանդակագործ Արթուր Գևորգյանը գրել է․ «Փաստ, որ նորոգվել է 2003 ին։ Սրանից հետո, որ կասեն առաջին անգամ է և այլն, ուղարկեք ուր պետք է»։

***

Էլիզա Առաքելյանն էլ, որ առաջիններից էր, ով ահազանգեց խնդրի մասին, ֆեյսբուքյան իր էջում գրել է․

Ի՞նչ է տեղի ունեցել իրականում:

Այն, ինչի մասով, գոնե ես, կասկած չունեի, երբ Ծիծեռնակաբերդի հուշահամալիրը տեսա ավիրված վիճակում և տարածեցի լուսանկարները:

«Բիդեք» ընկերությունը շահել է ԿԳՍՄ-ի կողմից հայտարարված մրցույթը՝ 350 միլիոն դրամ գումարի դիմաց վերանորոգելու Ծիծեռնակաբերդի հուշահամալիրը:

Քանդման աշխատանքները սկսելուց հետո, սակայն, ԿԳՍՄ շինվարչությունը հայտնել է ընկերությանը, որ պայմանագիրը կկնքվի պայմանավորված գումարից մոտ 130 միլիոն դրամով պակաս, ինչի արդյունքում էլ «Բիդեքը» կանգնեցրել է աշխատանքները՝ հրաժարվելով շինհրապարակում տեղադրել իր ցուցանակը:

Ըստ տեղեկությունների՝ մոտ 6 ամիս է արդեն, ինչ կանգնեցված են թե’ քանդման, թե’ վերանորոգման աշխատանքները:

Եզրահանգում. ԿԳՍՄ-ն, արհեստական խոչընդոտներ ստեղծելով, հասել է նրան, որ հուշահամալիրը մնա քանդված և անփառունակ վիճակում, իսկ դրա վերանորոգումը՝ օդում կախված՝ անհայտ ժամկետներով:

ՀԳ

«Հայրենասիրությունը կեղծ կատեգորիա է»:

Ժաննա Անդրեասյան:

Տվյալ տիկնոջ համար, անկասկած, ծանրակշիռ կատեգորիա է թուրքասիրությունը:

Դիտեք նաև՝