Օրերս Գրիգ Բալասանյանը ներկայացրեց իր երկու տարվա աշխատանքի արդյունքը` ձայնասկավառակի և գրքի տեսքով, որտեղ ամփոփված են Գրիգի 9-ից 10 տարեկան հասակում գրված ստեղծագործությունները: Պատանի կոմպոզիտորը ձայնասկավառակը կոչել է իր առաջին ստեղծագործության անվամբ`«Մեղեդի», որը գրել է 9 տարեկան հասակում և նվիրել իր պապիկների հիշատակին:
Այս ստեղծագործույթամբ 2015 թ-ին Գրիգը մասնակցել է Ռուսաստանի Դաշնության Նովոսիբիրսկ քաղաքում կազմակերպված պատանի կոմպոզիտորների 18-րդ միջազգային մրցույթին և արժանացել 1-ին կարգի դափնեկրի կոչման: Նույն թվականին Գյումրիում անցկացվող Երաժիշտ-կատարողների «Վերածնունդ» միջազգային 7-րդ մրցույթ-փառատոնում «Մեղեդի» ստեղծագործությաբ իր տարիքային խմբում արժանացել է նույնպես 1-ին կարգի մրցանակի:
Շնորհանդեսը բաղկացած էր երկու մասից. համերգային հատվածում Գրիգը ներկայացրեց ձայնասկավառակում զետեղված ստեղծագործությունները, այնուհետև իր ստորագրությամբ հյուրերին նվիրեց իր «Մեղեդի ձայնասկավառակը» և նույնանուն նոտաների գիրքը:
