Համացանցում հայտնվել են Դոնի Ռոստովի պայթյունից առաջին կադրերը: Դեպքը տեղի է ունեցել տեղի դպրոցներից մեկի շենքի հարևանությամբ: ՌԻԱ Նովոստիի աղբյուրի փոխանցմամբ՝ պայթուցիկ սարքը գործարկվել է, երբ բակապանը տարածքն է մաքրել: Տղամարդը վնասվածքներով հիվանդանոց է տեղափոխվել:
Տեսանյութում երևում է, որ ոստիկանները շղթայել են պատահարի վայրը: Տեղում հրշեջ մեքենաներ են հերթապահում:
Դպրոցում դասերը դադարեցվել են, երեխաներին թույլ չեն տալիս շենք մտնել: Պայթյունի վայրում մասնագետներ են աշխատում:
