Այսօր ասմունքող Լիանա Զուրաբյանն իր ունկնդիրների հետ կրկին Զանգակատանն էր, որտեղ մի միջադեպ զայրացել է Լիանային:
«Ես փոքր ինչ բարկացած եմ և ուզում եմ, որ այլ Սևակասերներ այս խնդիրը չունենան: Ես կարծում եմ` Սևակյան շիրմաքարը ամեն պոեզիա լսողի համար սրբություն է և հատուկ վայր: Մենք, այստեղից այդքան ճանապարհ կտրելով, հասել ենք այնտեղ, և դուռը մեր առաջ չեն բացում` ինչ է Սևակի որդին` Արմեն Ղազարյանը, հանգստանում է և աղմուկ չի ուզում լսել, այնինչ իմ ունկդիրները խոհեմ ու լուրջ մարդիկ են և շատ վրդովվեցին,դե այսքան ճանապարհ անցնեն ու հարգանքի տուրք չմատուցեն Սևակյան շիրիմին: Բնական է` իմ համառության շնորհիվ դարպասը բացվեց, բայց ցանկալի կլինի, որ ոչ մի մարդու առաջ,ով եկել է հարգի իր սիրելի բանաստեղծին, դուռը չփակվի միայն այն պատճառով, որ որդին իր ընտանիքով հանգստանում է»,- Asekose.am-ի հետ զրույցում պատմեց Լիանան:
Դե իսկ մենք ուժ ու եռանդ ենք մաղթում երիտասարդ ասմունքողուհուն`Լիանա Զուրաբյանին, իր ազնիվ ու բարի աշխատանքի համար: Ասմունքողը մեզ հետ զրույցում մեջբերեց Սևակի խոսքերը`«Ճշտի համար պետք է խոսել, սուտն ու կեղծիքը, անազնիվն ու քծնանքը դրանից կքչանա»,մենք էլ հավելենք որ այս աշխարհում իրոք պետք են ճիշտ խոսքի ջատագովներ:
