«Ելք»-ի առաջարկը` վերանվանել Լենինգրադյան փողոցը, շատ սխալ է. չի կարելի Ազգալդյանին ու Լենինգրադը հակադրել իրար,- Asekose.am-ի հետ զրույցում ասել է ԱԺ փոխնախագահ, ՀՀԿ խոսնակ Էդուարդ Շարմազանովը:
«Լենինգրադը ֆաշիզմի դեմ հաղթանակի խորհրդանիշներից մեկն է, ինչպես` Ստալինգրադը: Փարիզում այսօր էլ կա Ստալինգրադ մետրոյի կայարան, նույն Փարիզում կա Ստալինգրադի հրապարակ: Բրյուսելում Ստալինգրադ ավենյու կա, իսկ իտալական Բոլոնյա քաղաքի գլխավոր պողոտաներից մեկն էլի կոչվում է Ստալինգրադի պատվին»,- հավելել է նա:
«Սա այն դեպքն է, երբ «Ելք»-ը ճիշտ կանի, որ հետևի ֆրանսիացիների և իտալացիների օրինակին և գիտակցի, որ ֆաշիզմի դեմ հաղթանակի խորհրդանիշերի վերանայումը ճիշտ ճանապարհ չէ»,- եզրափակել է Շարմազանովը:
