Ազատություն ռադիոկայանի հաղորդմամբ՝ Լոռու մարզի Փամբակ գյուղի մերձակայքում, Վանաձոր-Ալավերդի մայրուղուն կից, 3 ժանգոտ տնակ կա։ Դրանցում Փամբակ գյուղի բուժկետը, փոստն ու գյուղապետարանն են տեղակայված։ Գյուղապետ Սամսոն Ուլիխանյանն ասում է. «Երկրաշարժից հետո ասին՝ արագ-արագ քանդեք, որ կառուցենք... քանդեցինք ու մնացինք սենց»։
2 տարի առաջ գյուղապետը կողպել է ժանգոտած տնակի դուռն ու աշխատակազմին տեղավորել գյուղի սեփական տներից մեկում։ Այժմ համեմատաբար նորմալ պայմաններ ունեն։ Մինչդեռ՝ բուժկետն ու փոստը դեռ 30-ամյա երկաթե տնակներում են գոյատևում:
